Come est a as!!

Jæja...! Gleðilegt ár og svona! ég sé að það er næstum því mánuður síðan ég bloggaði síðast.  Satt best að segja þá hef ég ekki gefið mér tíma í það, og hef ekki nennt því.  Jólin hjá mér voru mjög góð, sömuleiðis áramótin.  Ég hef ákveðið að stunda meiri hreyfingu á þessu ári...........jújú maður hefur svo sem sagt þetta áður! og hætta öllu skyndibita áti.  Það er alveg ótrúlegt að ég skuli ekki fitna meir en raun ber vitni, því ég hef gjörsamlega misst öll tengsl við eldhúsið mitt og étið alls staðar annars staðar en þar, allt frá skyndibita uppí dýrindis veislurétti.  Verslaði í fyrsta skiptið inn núna í vikunni síðan einhvern tíman fyrir jól.  Það verða bara tómatar og gúrkur í matinn fram í mars og hana nú! 

Það er samt meir en að segja það að reyna að versla inn og éta það sem maður verslar.  Í fyrsta lagi bý ég einn og þegar ég versla einkvað til að elda þá hendi ég meira en helmingum af því, eða geymi það og þykist vera svo góður að ætla að elda það seinna!  en þegar kemur að því þá er það ónýtt.  Ég hendi örugglega mörg hundruð kíló af brauði á ári.  Því ég næ ekki að éta heilt brauð áður en það verður ónýtt! (jájá ég hef prófað að frysta o.s.f.v.)  Í öðru lagi er ég mikið á ferðinni í vinnunni, en hef reynt að fara heim að borða en stundum tekst það bara ekki!

En ég hef ákveðið að hætta þessu væli og taka á þessu! hætta með öllu að borða úti, nema í sérstökum tilfellum, (Askurinn og svona) og hreyfa mig meira og taka burtu nokkur kíló.

 

Come est a as!!!

Athugasemdir

[Svavar Friðriksson (IP-tala skráð) 14.1.2008 kl. 15:51]

Heyrðu...sbr sms-ið þitt í gærkvöldi 13.jan 2008 varstu á KFC að slafra í þig sveittum tjúttlingabitum. Satt eða satt? satt? 

[Helgi Kristinn Jakobsson, 14.1.2008 kl. 15:59]

....þessi færsla miðast við daginn í dag......

[Signý (IP-tala skráð) 20.1.2008 kl. 20:21]

Ég er búin að leysa þetta vandamál, ég geng um með næringu í æð alla daga! Maður fitnar ekki á því segir Solla græna allavega.

[Helgi Kristinn Jakobsson, 20.1.2008 kl. 23:19]

já.......Signý snilldarhugmynd!..... ég ætla í KFC og athuga hvort ekki sé hægt að fá næringu í æð hjá þeim...hehe

[Signý (IP-tala skráð) 21.1.2008 kl. 12:18]

Ég hef heyrt að það sé dælt uppúr steikingarpottunum hjá KFC á þriðjudögum á milli 4 og 6 þangað koma kransæðasjúklingarinir í bunkum og láta dæla í pokana hjá sér!