Hörmulegt..!

Svona atburðir nísta mann, samúð mín er öll hjá aðstandendum.

Hveragerði: Húsráðanda sleppt eftir skýrslutöku

"Sorpþátturinn Kompás"!?

Það er greinilegt að nýjasta útspil Kompásmanna er útfært til að auka áhorf,  og eru menn þar á bæ búnir að uppgötva að það getur verið að menn séu að berja dýr og búnir að setja óhugnanlegt myndband sem er hér sem sýnir myndskeið af manni berja á hesti.  Alveg er það undarlegt!, að á reglulegu millibili þá kemur  þáttur eins og Kompás alltaf með fréttir sem vekja óhug og sterk viðbrögð, eða með öðrum orðum...fréttaskýringar sem fær fólk alveg til að missa sig!

Nú ætla ég ekki að fara að verja gerðir mannsins en það er alveg öruggt að sá maður þarf á aðstoð að halda varðandi meðferð á dýrum.  Það er hins vegar meðhöndlun myndbandsins sem vekur upp hjá mér spurningar?  Þar er skýrt tekið fram að þátturinn er verðlaunaður sem sjónvarpsþáttur ársins og kryddaður með “áhrifatónlist” meðan Sigmundur les með all nokkurri dramatík að Kompás hafi kannað málið hvort það sé algengt að tamningamenn lemji hesta eða ekki, og hvort um sé einangrað dæmi að ræða?

Það er greinilegt að myndbandið er tekið úr fjarlægð, þ.e.a.s.  það er verið að mynda í leyni! 

 Á visir.is eru viðbrögð fólks við myndskeiðinu á þá leið að það vill útrýma manninum! sem er að lemja hestinn, eða berja hann þangað til að það blæðir úr augunum á honum, það vill að hann missi vinnuna og mannorðið!  Ég spyr! er ekki Kompás komið á sama plan og DV var á þegar það var að fjalla um ofbeldi og barnaníðinga með öllu tilheyrandi þ.e.a.s. myndum o.fl.  sem á endanum leiddi til sjálfsmorðs!  Og hvað gerist ef að viðkomandi maður sem er að lemja hestinn, missir mannorðið, og vinnuna, og verður barinn þar til blæðir úr augunum, er ekki betra að reyna að hjálpa manninum en að veiða hann í gildru.........ja ég skal ekki segja.! Alla veganna þá sé ég ekki mun á Kompási og DV eins og það var fyrir einhverjum mánuðum síðan.

Nýr bíll vs. gamall bíll

Hvort á ég að halda áfram að aka á gamla bílnum og leggja fyrir peninga , eða kaupa mér nýjan bíl.?  Er búinn að eyða talsvert í þennan bíl sem ég ek um á, og á föstudaginn fékk hann ekki skoðun út af ýmsum atriðum sem þarf að laga en það getur endað í 60-70 þúsund kalli að gera við það!  Og ég er nýbúinn að kaupa ný sumardekk undir hann sem kostaði mig tæpar 30 þúsund.

Annars virðist sem svo að peningar fljúgi úr höndunum á mér þessa daganna, var tekinn fyrir of harðan akstur á Miklubrautinni(var í vinnunni!) þar sem ég hélt að væri 80 km hámarkshraði, en er bara 60. og ég var tekinn á 90..grgrrrrrrrr ég var brjálaður!   Það kemur til með að kosta mig 25 þús.  Eftir þetta ek ég um á löglegum hraða, og ég segi það sagt að meira segja gamalmenni taka framúr mér og steyta hnefa, ég er bara fyrir!.........Öllum!   Ég ætti kannski að fá mér reiðhjól..........og kjósa Vinstri græna!.......................not!!  Annars allt gott að frétta, helgin var góð, ég var með Rúnar.  Fór með honum á fótboltaæfingu.  Þetta var önnur æfingin hjá honum og nú er að sjá hvort hann hafi áhuga til að halda áfram.  Verð ekki heima næstu þrjá daga., þarf að skreppa norður í söluferð.............yfir og út.......

Sumardagurinn fyrsti á 905 kr. !

Skrapp og fékk mér kaffibolla (Sviss Mokka) og kökusneið á kaffihúsi í dag.  Ég var rukkaður um 905 kr.!!!!   Kaffið á kr. 305 og einkvað í kringum 50 ml. og kökusneiðin var svona um 80 gr. á 600 kr.   Ég borgaði þegjandi og hljóðalaust enda geri ég mig grein fyrir því að það kostar að reka kaffihús.  Þegar ég ætlaði að setjast þá voru flest öll borð upptekin, nema fáein sem ekki var búið að þrífa. 

 

Ég settist við eitt þeirra og ákvað að bíða efir veitingunum sem ég hafði keypt mér og bjóst við að það kæmi starfsmaður að þrífa borðið.  Eftir nokkrar mínútur gafst ég upp á því að bíða og tók allt draslið sjálfur af borðinu og færði það yfir á annað og sópaði nett af borðinu, tók svo til við að lesa blöðin. 

 

Þegar ég var búinn að lesa dágóða stund fór ég að líta eftir veitingunum sem ég hafði pantað mér, og tók ég þá eftir því að það voru þrír starfsmenn á vakt.  Eftir nokkrar mínútur í viðbót birtist loksins einn starfsmaðurinn með kræsingarnar sem ég hafði verslað.  Þegar ég fékk mér bita af kökunni þá uppgötvaði ég það að kakan var gömul, þurr og geymslubragð af henni og eftir tvo bita ýti ég henni frá mér.  Á meðan ég kláraði þessa 50 ml af kaffi, hugsaði ég með mér, fyrir hvað var ég að borga!

Ég er ekki nískur, en ég veit að 80% af þessum 905 kr. sem ég borgaði, er gjald fyrir þjónustu, (fyrir utan að kakan var bökuð fyrir mig og kaffið lagað) Hin 20% fara í efniskostnað og skatt.  Þjónustan var engin, (tók sjálfur af borðinu) og kakan var svo að segja ónýt.  Þannig að ég borgaði 905 kr. fyrir kaffibolla. 

 

Ég skil ekki þetta metnaðarleysi sem tröllríður öllum fyrirtækum í þjónustugreininni,  að hafa þrjá starfsmenn þegar brjálað er að gera,  og bjóða upp á gamla köku á sjálfan sumardaginn fyrsta!

ahhh andskotinn.......

...var að spá í að kaupa það þegar lætin stóðu sem hæst um hver ætti að losa það....he he

Wilson Muuga stefnir til Hafnarfjarðar

Er áróður Umferðarstofu að skila árangri?

Í vinnunni í dag þurfti ég að skreppa austur fyrir fjall, nema hvað á leiðinni blasir við flennistórt auglýsingarskilti sem hefur að geyma upplýsingar um hvað margir hafa látist í umferðinni í ár.  Sem fékk mig til að hugsa! Hefur áróður umferðarstofu skilað einhverjum árangri?  Eru auglýsingar þar sem gerandinn í slysi er oft á tíðum sýndur sem heimskur karlmaður annað hvort fullur eða einfaldlega vitlaus, og gerðar hafa verið fyrir tug milljónir króna, sýndar á rándýrum tímum í fjölmiðlum einhverju skilað? Er starfsmaður frá Umferðarstofu blaðrandi í tíma og ótíma í fjölmiðlum um að muna eftir að spenna beltið og kveikja á ljósum að skila einhverjum árangri?  Í ársskýrslu Umferðarstofu frá árinu 2005 er tíundað um markmið sem stjórnvöld hafa sett sér ásamt umferðarstofu um að lækka fjölda slasaðra og látinna að jafnaði um 5% á ári til ársins 2016.  Hvernig getur það gerst þegar strax árið eftir, 2006 fer tala látinna úr 19 í 31, og fjöldi slasaðra úr 1013 í 1327.  Hvernig getur það gerst eftir allan þennan áróður sem Umferðarstofa stuðlar að?  Er hún á rangri braut?!  Frá árinu 1966 hafa 958 látist í umferðinni, flestir árið 1977 en þá létust 37. Ég geri mér grein fyrir því að fjöldi bíla hefur aukist gríðarlega síðan þá,  en á móti hafa bílar þróast og orðið öruggari og af sama skapi aukið umferðaröryggi, vegir hafa breyst o.s.frv.  Þess vegna situr þessi spurning í mér síðan í dag....Er áróður umferðarstofu að skila árangri?!!

"Kosningabrellur" !!

Eru þingmenn að vekja á sér athygli.  Lenti ekki Steingrímur J. í ljótri bílveltu fyrir nokkrum mánuðum síðan og er búinn að auka fylgið...ja maður spyr sig.  Til allar guðslukku eru menn að komast óskaddaðir frá þessu og ég vona þetta sé ekki þróunin.

Kristinn H. Gunnarsson lenti í bílveltu

Græn öfgastefna

Það verður forvitnilegt að sjá niðurstöður úr kosningunum í vor, því að flugið sem VG virtist vera á er að dala.  Íslandshreyfingin kemur stormandi með öfga græna stefnu og staðsetur sig til hægri.  Það er greinilegt að þetta höfðar ekki til fólks á hægri vængnum og nú taka þau fylgi frá VG s.br. nýjustu skoðanakönnunum þar sem fylgi VG dalar.      

Ómar og Margrét leiða lista Íslandshreyfingarinnar í Reykjavík

Páskaönd

Jæja það er kominn tími á blog, það er komin ár og dagar, og margt hefur breyst síðan ég bloggaði hér síðast.  Ég hef skipt um vinnu, er fluttur og skilin.  Landslagið í mbl bloggheiminum hefur breyst töluvert, nú eru þjóðþekktir einstaklingar sem skrifa um allt milli himins og jarðar, sem er mjög skemmtlegt því maður hefur gleymt sér við lestur á hinum og þessum síðum, sem hefur náttúrulega leitt til þess að maður hefur haft lítinn tíma til að skrifa einhvað af viti.

           

            Það er svo margt sem mig langar til að skrifa um, en ég ætla bara að byrja á léttri færslu.  Ég fór til Akureyrar um páskana og heimsótti þar góðan vin minn sem býr þar með kærustu sinni, þetta er ekki í frásögur færandi nema að ég var þarna í góðu yfirlæti og á hverjum degi töfraði Hulda(kærasta vinar míns)fram ævintýrarétti og á páskadag borðuðum við önd.  þetta er ekki í fyrsta skiptið sem ég fæ heimaeldaða önd.  Ég man einu sinni eftir því að fyrrverandi tengdapappi minn, sem fyrir nokkrum árum ætlaði að slá í gegn með bakaðri önd,  bað okkur öll afsökunar á því að hafa látið sig detta í hug að eyðileggja annars ágætis kvöldstund sem við áttum þarna saman, ég, hann og fleiri, því þegar maður reyndi að skera öndina var hún svo seig að elstu menn mundu ekki annað eins!  Þetta var í fyrsta skipti sem ég smakkaði önd og sú reynsla fékk mig til að efast um hvort þessi matur væri yfirleitt nógu góður til manneldis.  En þessi reynsla fyrir norðan yfir páskana þar sem Hulda yfirkokkur stóð vaktina yfir öndinni ásamt fleirum fékk mig til að garga af gleði!.........kannski aðeins of ýkt, en ég var svo ánægður með þetta að ég á mynd af öndinni sem ég held að ég rammi inn og setji inn í STOFU eða láti Tolla mála mynd af henni......takk fyrir mig!

setja í gír...

ég verð víst að blogga einhvað, svo ég haldi blogsvæðinu verð að fara að koma mér í gírinn..