Á morgun....

Já!.... á morgun byrja ég aftur í líkamsræktinni eins og ég var búinn að lofa sjálfum mér.  Ég fór og verslaði í matinn áðan og nú verður tekið á því..ekkert helvítis KFC kjaftæði.. (finnst eins og ég hafi heyrt þetta áður!) *bergmál* Það verður vaknað kl 6 á hverjum morgni *hóst*meira segja helgin framundan verður nammilaus.  Kem til með að taka allar Rocky myndirnar og borða gulrætur með kúskús (eða hvað það heitir) ídýfu. 

 

 

 

 

 

 

 

 

 

 

 

 Þessi mynd var tekinn af mér þegar ég fór á KFC síðast, og það voru ekki til leggir..... ég trylltist!

 

Úff....

...það er víst hætta á því að Krítargengið komi saman í kvöld, þessi mynd segir að allt getur gerst þegar það gerist......

Allir latir í Latabæ.....

Eftir mjög stutta umhugsun í dag tók Helgi Kr. Jakobsson þá ákvörðun að fresta allri hreyfingu þangað til í byrjun feb.  Að sögn Helga hefur ótímabær leti sett strik í reikninginn, haft var eftir honum að þetta sé það stærsta strik sem hann hefur séð lengi!  "það hefur verið nóg að gera í dvd glápi, svo ekki sé talað um tíman sem hefur farið í að skjótast í KFC" sagði Helgi að vonum nokkuð vonsvikinn með árangurinn! "ég hef undanfarið reynt að taka stóran sveig framhjá vídeóleigunni og hef verið í viðræðum um að láta loka KFC...allvegana hérna í Hafnarfirði"!   Að lokum sagði Helgi að þetta ætti í sjálfu sér ekki að koma að sök því hann væri eiginlega búinn að sjá allt sem er í boði á vídeóleigunni "ég fer að koma mér af stað fljótlega!!"  sagði Helgi og var rokinn í burtu með poka merktan KFC........

Verður sjálfsagt mjög erfitt mál fyrir þáverandi umhverfisráðherra..........

........og það þarf örugglega nýtt deiliskipulag.  Umhverfissinnar verða eflaust ekki ánægðir........

Risastórt vetnisský stefnir á Vetrarbrautina

Come est a as!!

Jæja...! Gleðilegt ár og svona! ég sé að það er næstum því mánuður síðan ég bloggaði síðast.  Satt best að segja þá hef ég ekki gefið mér tíma í það, og hef ekki nennt því.  Jólin hjá mér voru mjög góð, sömuleiðis áramótin.  Ég hef ákveðið að stunda meiri hreyfingu á þessu ári...........jújú maður hefur svo sem sagt þetta áður! og hætta öllu skyndibita áti.  Það er alveg ótrúlegt að ég skuli ekki fitna meir en raun ber vitni, því ég hef gjörsamlega misst öll tengsl við eldhúsið mitt og étið alls staðar annars staðar en þar, allt frá skyndibita uppí dýrindis veislurétti.  Verslaði í fyrsta skiptið inn núna í vikunni síðan einhvern tíman fyrir jól.  Það verða bara tómatar og gúrkur í matinn fram í mars og hana nú! 

Það er samt meir en að segja það að reyna að versla inn og éta það sem maður verslar.  Í fyrsta lagi bý ég einn og þegar ég versla einkvað til að elda þá hendi ég meira en helmingum af því, eða geymi það og þykist vera svo góður að ætla að elda það seinna!  en þegar kemur að því þá er það ónýtt.  Ég hendi örugglega mörg hundruð kíló af brauði á ári.  Því ég næ ekki að éta heilt brauð áður en það verður ónýtt! (jájá ég hef prófað að frysta o.s.f.v.)  Í öðru lagi er ég mikið á ferðinni í vinnunni, en hef reynt að fara heim að borða en stundum tekst það bara ekki!

En ég hef ákveðið að hætta þessu væli og taka á þessu! hætta með öllu að borða úti, nema í sérstökum tilfellum, (Askurinn og svona) og hreyfa mig meira og taka burtu nokkur kíló.

 

Come est a as!!!

Bakað fyrir jólin......

"Vísindamenn segja kannabisreyk vera hættulegri en tóbaksreyk þar sem honum er andað dýpra inn í lungun og haldið þar lengur en tóbaksreyk."  Verknaðurinn sem slíkur hlýtur að vera hættulegri!  Geta menn ekki bara fengið sér hassköku eða tekið töflu eða einhvað!

Annars reykti ég mikið njóla á sínum tíma, þurfti að hætta vegna þess að það var ekki nógu cool!

Fleiri eiturefni í kannabisreyk en tóbaksreyk

Hó hó hó......

.....gleymdi að setja í skóinn í gærkveldi,  hann var samt hinn rólegasti þegar hann sagði mér frá því að jólasveinninn hafði ekki sett neitt í skóinn.  Ég náttúrulega klóraði mér í höfðinu, nývaknaður og setti upp pókerfés  þegar hann tók að spá í hverju þetta sætti.  Ein tilgátan var sú að jólasveinninn hlyti að hafa verið fullur!!!  Hann er steinsofnaður núna og ég er búinn að troða góðgæti í skóinn hjá honum núna, bæði ávöxtum og sælgæti, þannig að þetta á að jafnast út.  Jæja ég er farinn að horfa á vin minn í Californication.

Sama ruglið eins og vanalega....

Það er til fólk sem sefur lítið og það er til fólk sem sefur mikið!  Svo hefur maður heyrt af fólki sem sefur ekki neitt út af sjúkdómum o.s.f.v  Er hægt að taka mark á svona rannsókn þar sem 120 nemendur voru kannaðir!  Hér er klárlega á ferðinni prófessor sem vill gera sem mest úr þessari rannsókn til að raka inn peningum. "Hún sinnir rannsóknum á svefni og fullyrðir að enginn geti hugsað skýrt klukkan fjögur á nóttunni."  Er þetta ekki einhvað sem segir sig sjálft! ef að maður sefur lítið þá er maður ekki upp á sitt besta.  Hins vegar mundi ég frekar lesa aðeins meira en að sofa meira.

Nætursvefn gefur hærri einkunn

Blessuð jólin!

Ég spurði Rúnar kútinn minn sem er sjö ára um daginn hvað hann vildi í jólagjöf? .......Föt!....ha föt! sagði ég.......já föt! sagði hann án þess að hika.  þegar ég var á hans aldri hugsaði ég bara um fótbolta og leikföng, þoldi ekki mjúka pakka, og hann vill föt í jólagjöf.  Ég er ekki alveg að skilja þetta!... en hann er svo upptekinn af útlitinu núna þessa daganna að það er ekki smá fyndið! Um daginn þegar hann var hjá mér heimtaði hann gel í hárið, og svo varð úr að hann fór í Kringluna og í bíó með hárið allt út í loftið eins og breskur anarkisti sem hefur uppgötvað að það er töff að vera öðruvísi.  Anyway þá verður gaman að fylgjast með því þegar hann fer að fá föt í jólagjöf.

Talandi um Kringluna!  Kringlan fær mig alltaf til að langa til að læðast út bakdyramegin og henda lyklinum!  Ég á en eftir að kaupa allar jólagjafirnar og ætla að reyna að byrja í kvöld.  Ég er búinn nokkurn vegin búinn að leggja línurnar en samt er þetta allt saman óákveðið.  Ég hef alltaf haft það fyrir reglu að skrifa niður og vera búinn að ákveða hvað ég ætla að kaupa áður en ég legg af stað. 

Maður reynir að ná þessu öllu á skikkanlegum tíma því að ef að helvíti er til þá er það Kringlan á Þorláksmessu!....................jólahvað.......við önsumössuekki!!!!

Sönn saga af djamminu...

Árið sem ég var tuttugu og þriggja ára var mjög góður tími.  Ég vann á stórum vinnustað og átti góða vini og ágætis kunningja sem maður djammaði dálítið með.........ja! svona eina og eina helgi!

Þannig var það að eftir að hafa verið búnir að vinna einn daginn ákváðum við og góður vinur minn að skella okkur í heimsókn til félaga okkar sem kvaðst eiga undir höndum ekta rússneskan Vodka sem hann hafði komist yfir hjá vélstjóra á rússneskum togara.  Auðvitað mundum við kíkja við!, og svo var úr að við fórum beint eftir vinnu að athuga með þetta, ekki var hægt að láta manninn standa einan í því að kanna þessar guðaveigar.

Eftir að hafa kannað þennan drykk í þaula og menn orðnir, vel hressir!.. var ákveðið að halda niður í bæ, eins og menn gera alltaf, svona til að kanna hvernig staðan væri, hitta dömur og svona.

Það var ákveðið að taka leigubíl og varð úr að við og þessi góði vinur minn fórum bara tveir í bílnum.  Á leiðinni niður eftir heimtaði ég að það yrði komið við heima til að ég gæti skipt um föt.  Á þessum tíma þótti töff að vera í hvítum þröngum bol, svörtum frakka, 501 Lewis gallabuxum og mótorhjólastígvélum.  Ég ætlaði einmitt að skjótast og fara í aðrar gallabuxur og í frakka svo að maður yrði flottur á djamminu.  Ég var nú ekki lengi að hafa mig til og var fljótur út í bíl aftur, þar sem vinur minn beið eftir mér.  Þegar ég settist upp í bílinn tók vinur minn strax eftir því að ég hafði farið í frakkann, sem hann hafði auðvitað oft séð, en langt síðan hann hafði séð mig í honum, vegna þess að hann hafði verið í viðgerð.  Allan tíman, og þá segi ég allan tíman sem við áttum eftir niður í bæ var vinur minn svo ánægður að sjá mig í frakkanum aftur, að hann hrósaði honum fram og til baka, og ég man að hann spurði mig:"varstu að láta gera við hann?"...., djöfull er hann einkvað flottur......geðveikur!!!!

Þegar hér er komið við sögu vil ég taka það fram að á þessum tíma bjó ég en hjá foreldrum mínum sem þótti ekki mikið mál á þessum tíma.

Það er svo daginn eftir þetta "rússneska" djamm að ég vakna með þynnku og þá var það þannig í þá daga að maður pantaði alltaf pizzu og tveggja lítra kók, sem ég gerði auðvitað.  Þegar ég ætlaði að borga pizzuna fann ég ekki peningana sem mig mynnti að ég ætti í frakkanum, þá var maður ekki með debet kort í þá daga maður var með Visakort og peninga!  Þegar ég leitaði betur í frakkanum komst ég að því að ég hafði greinilega týnt öllu sem var í honum, 10-15 þúsund kall, ökuskírteinið mitt sígaretturnar, visakortið og allt. 

Ég man ekki hver reddaði pizzuni fyrir mig, en það var liðið vel á vikuna og helgin löngu liðin.  Ég var búinn að sætta mig við að hafa týnt þessu öllu.  Ég man að ég sat í rólegheitum heima og horfði á sjónvarpið þegar að mamma og pabbi koma heim eftir að hafa verið í kvöldkaffi einhversstaðar og á rúntinum.  Einhverja hluta vegna er mér litið á mömmu þegar hún kemur inn í stofuna í kápu sem hún hafði átt í einhvern tíma og var kerlingalegasta kápa sem ég nokkurt tíma augum litið.  Hún lappar í áttina til mín og er eitt spurningarmerki í framan, byrjar að týna upp úr vösunum á kápunni og spyr! hvað er þetta að gera í kápunni minni?!?!?!?..........  þarna var þá ökuskírteinið  mitt, peningarnir og Visakortið.  Ég hoppaði af fögnuði, en greip fyrir andlitið þegar ég áttaði mig. nei!! nei!! nei!! ég var út að skemmta mér í kápunni hennar mömmu   Kápan var dökkblá og úr mjög svipuðu efni sem var í frakkanum, en hún var allt öðruvísi í sniði, reyrð að aftan með þykku bandi..........en þegar ungur maður er á leiðinni á djammið og er að flýta sér og búinn að fá sér rússneskan vodka þá getur allt skeð.