The Joshua Tree....

Fyrir tuttugu árum síðan hljóp síðhærður grannvaxinn strákur með nýtt eintak af hljómplötu upp í herbergi sitt og setti á fermingargræjunnar.  Þessi drengur settist niður og beið með eftirvæntingu eftir fyrstu hljómunum.  Þegar fyrstu hljómarnir heyrðust í laginu "Were the street have no name" þar sem Brian Eno spilar inngangskaflann, læddist gæsahúð niður eftir bakinu á drengnum og veröldin varð aldrei söm á eftir!

Það er ótrúlegt að það séu liðin tuttugu ár síðan þessi plata kom út, en ég man það eins og gerst hefði í gær.(djöfull er maður orðin gamall)  Ég held að flest allir þekki þessa plötu því að hver stórsmellurinn af fætur öðrum af þessari plötu tröllreið vinsældarlistum út um allan heim og það var ekki laust við það að maður yrði fráhverfur þeim, því svo mikil var spilunin.  En það er nú aldeilis ekki svo að maður sé búinn að fá nóg af henni.

Áðan þegar ég kom heim úr vinnunni þá setti ég þessa merku plötu(cd) á fóninn(dvd spilarann) og í staðinn fyrir að sitja spekingslega og hlusta!, þá þreif ég alla íbúðina!  Svona breytast hlutirnir og mennirnir með, en þarna á unglingsárunum hefði einhver þurft að segja mér það tvisvar að ég ætti eftir að hlusta á þessa plötu í botni, og ryksuga, skúra, vaska upp, þrífa klósettið og þurrka af í leiðinni. (og drullu slappur ofan í kaupið, með nefrennsli dauðans) ....Já vegir ....eee.....Helga eru órannsakanlegir!

 

Ha!.....er ekki allt að fara til helvítis.....

ég hélt að þetta væri allt að bráðna! og Al Gore væri fluttur í nýja strandhúsið sitt á Narssarssuaq!
 

Hafís óvenjulega nálægt landi miðað við árstíma

Pabbi af hverju........

Strákurinn minn hann Rúnar er sjö ára.  Hann kemur til mín aðra hverja helgi og oftar þegar svo liggur við.  Það er svo gaman að fá hann og við skemmtum okkur vel saman, það er farið í bíó, horft á dvd, farið í heimsóknir o.s.fv 

Stundum fer þessi skemmtun fyrir ofan garð og neðan, því hann er á þessum aldri þar sem forvitnin er farin að segja verulega til sín og dynja stundum á mér spurningarnar.  Þegar við erum t.d að horfa á mynd þá þarf ég reglulega að biðja hann að horfa á myndina og hætta að spyrja svona, þetta er sérstaklega vont í bíó því það er ekki gaman að vera spjalla í bíó. 

Núna er hann búinn að uppgvöta Elvis, Bítlanna og Mikael Jackson og spurningarnar sem ég fæ eru stundum spaugilegar og fá hvern mann til að rífa í hárið á sér því það er ekki hægt að svara þeim.  og ef að maður svarar þeim á einlægan og heiðarlegan hátt þá kemur það bara í bakið á mér, því oftast koma tvær nýjar spurningar í staðinn.

Dæmi um spurningar:

1. hvor er betri Elvis eða Bítlarnir?
2. hvernig er hægt að hlusta á Elvis í útvarpinu, ef að hann er dáinn?
3. af hverju var John Lennon alltaf berrassaður

Það eru ótal fleiri spurningar sem ég man ekki í bili sem hafa skotið upp kollinum, og þær geta orðið tugir á nokkrum mínútum.  En það er bara gaman af þessu og ég elska hann út af lífinu og hlakka alltaf jafn mikið að hitta hann þegar hann kemur til mín.

Hér er hann tilbúinn að spyrja.. (þetta er þriggja ára gömul mynd af honum)

                                                                                                 

 

Ég skil ekki kvenfólk (part 2)

......ég er nú ansi hræddur að Banderas þyrfti nú að vera örlítið lengur en í einn dag til að öðlast betri skilning á kvenfólki,  ég mundi gefa þessu þrjú ár!........ekki minna!   en ég mundi samt ekki vilja hitta hana Antonilinu Banderas, það yrði alltof flókið fyrir mig........

Banderas vildi vera kona ... í einn dag

Skil ekki kvenfólk....

Í morgun tók það mig 40 mín að vakna!  það er bara þannig að þegar líður á veturinn og það fer að vera myrkur nánast allan sólarhringinn, þá er ég bara þungur í gang á morgnana.  Og ekki er á það bætandi að það er búið að vera rok og rigning í margar vikur!  Ég hef ekki nennt í líkamsrækt og ég er dottinn í KFC, American Style og allan pakkann!  Dagurinn í dag var svo sem ekki frábrugðinn öðrum dögum sem undan hafa gengið, nema að ég heyrði í fyrrverandi.  Eftir það samtal fór sjálfsvorkunnin úr fjórum í tíu.  HVAÐ EF ÉG GERT HENNI!!!!!  það er með öllu óskiljanlegt hvað það er sem fær manneskju til að snúast í 180° með viðhorf og skoðanir og getað slökkt á öllum tilfinningum í leiðinni og verið svo með leiðindi ofan í kaupið.  En það virðist sem þessi "dýrategund" kvenfólk geta gert!  Ég hélt að við hefðum verið búin að gera upp öll okkar mál, en það virðast alltaf vera hægt að finna einhverjar leiðir til að klekja á manni.  Samt sakna ég hennar og elska ennþá þrátt fyrir hennar galla, og er það ekki alveg dásamlega fáráðlegt.  Ég er heiðarlegur og góður strákur!  ég hef bara mína kosti og galla eins og venjulegt fólk, en það virðist sem þessi fyrrgreinda "dýrategund" haldi að karlmenn fæðist bara með kosti! og ef að gallar koma í ljós! nú þá er bara að skila "vörunni"! og er það málið í dag! að kvenfólk gerir endalausa kröfu um daga víns og rósa í sambúð og hjónabandi, má ekkert bjáta á.  Svo heyrir maður af kvenfólki, vel gefnum og fallegum ungum konum sem eru beittar andlegu og líkamlegu ofbeldi, sem lemur hausinn við steininn, og reynir aftur og aftur að búa með viðkomandi.  Sem fær mig til að spá, og alltaf kemst ég að þeirri niðurstöðu að ég skil ekki kvenfólk!  Djöfull er ég bitur maður.....held ég fari og fái mér ís,  eða kaffishake.......

 

ps.  þetta var frekar ömurlegur dagur og er enn! og skrifast undir þeim formerkjum............

ok ok......hér er hann..!

.....í sumar þegar ég var að þvælast um á Krít þá tók ég ástfóstri við ákveðna tegund af Bens sem er E týpan.  þetta endaði með því að ég og vinur minn(eftir að hafa komist í góð sambönd) ákvöddum að flytja inn eitt stykki.  Ég er ekki að ýkja þegar ég segi, að það að eiga við tollinn, flutningsaðilan,umferðarstofu og fleiri, er eins og að eiga við þríhöfða dreka sem kemur til með að éta þig ef að þú bara svo lítið sem hugsar um hann!  En hvað um það ég er reynslunni ríkari og mun gera þetta allt saman aftur og veit upp á hár hvað ég á að gera og ekki að gera! Myndin til vinstri er tekin í sumar út á Krít, og myndin til hægri er tekin í síðustu viku niður í Vegmúla.  En Svavar minn og Anna hér er hann..... 

Íslendingar alltaf jafn bjartsýnir.....

....en samkvæmt vinstrisinnuðum snillingum er alltaf allt að fara til helvítis,  og alla mína hunds og kattartíð hefur alltaf allt verið á leiðinni til helvítis! hummm.... langt síðan ég hef heyrt í Ögmundi og Steingrími J.

Aukin bjartsýni meðal neytenda

Konur verri en karlar í rúminu.....ha!..bíddu.?!

....samkvæmt nýjustu rannsóknum eru konur sem naglalakka á sér tærnar með rauðu naglalakki verri í rúminu en karlmenn sem ganga í nærbuxum framleiddar í Kína.  Hinsvegar leiddi sama rannsókn í ljós að karlmenn sem reka stórutánna í stofuborðið seint á laugardagskvöldum kaupa ekki jólagjafir nema þegar heitt er í veðri.

Karlar menga meira en konur

Regndans....

...þeir sem stíga regndans allar nætur!........hættið þessu!....þetta er komið gott!.......

Átröskun

var að horfa á á þáttinn í sjónvarpinu um hana Örnu Þórsdóttur sem glímir við átröskun.  Mikið skelfilega er þetta hræðilegur sjúkdómur.  Í þessum þætti talar Arna um að henni hafi verið boðið módelstörf eftir að hún veikist og byrjuð að horast óeðlilega, og af sama skapi hafi konur hrósað henni mest efir að hún byrjaði að horast.  Mér finnst þetta undarlegur heimur sem við búum í,  allir vilja vera flottastir, fallegastir, ríkastir, o.s.f.v  Ég hef ekki farið varhluta af þessu rugli þar sem ég djöflast í líkamsrækt til að losna við 7 kíló, mig langar að sjá "sixpackinn" sem ég hafði einu sinni.  En hvað svo!?  Verð ég hamingjusamari?  Það er náttúrulega hægt að fara öfgana á milli í þessum málum, það er að segja að verða of feitur, og í þessu tilfelli með þennan sjúkdóm of grannur!  Alla vega þá verður að tala meira um þennan sjúkdóm og eyða fordómum!