já!...þessir menn..

....það er nú búið að rífa hann úr mér þennan blessaða botnlanga.  Samkvæmt nýjustu tilgangnslausum rannsóknum sem eru hér þá er víst óhollt fyrir hjartað að vera í slæmu hjónabandi, og svo er líka óhollt fyrir það að vera ógiftur hvað er málið!?  er þá ekki málið að "vinurinn" verði fjarlægður þar sem ekki er þörf fyrir hann lengur...  

Botnlanginn hefur hlutverk

já já ....leikið í kynlífsmyndbandi...

......hversu miklir leikhæfileikar eru þar á ferð og er verið að leika einhvað........

Pamela Anderson gengin í það heilaga á nýjan leik

Skordýrapartar í súkkulaðikexi.....

Um daginn lenti ég í þeirri undarlegustu atburðarrás sem ég hef lent í hingað til.  Þannig var það að ég var nýbúinn að ná í Rúnar minn(strákurinn minn) og þurfti hann að fara til læknis.  Hann var búinn að vera veikur og klukkutími var í að hann ætti tíma.  Það er alltaf nammidagur á laugardögum þegar hann kemur til mín en núna ákvað ég að bregða aðeins út af vananum af þeirri ástæðu að hann var veikur.  Þannig að það var ekið á næstu sjoppu nánar til tekið á Essó við Reykjavíkurveg.  Ég fékk mér kók og súkkulaðikex og Rúnar fær bland í poka og einkvað fl.  Þarna erum við bara að dúlla okkur og ég drekk mitt kók og borða súkkulaðikexið. 

Skyndilega finn ég eins og ég hafi stungið mig í tunguna eða öllu heldur skorið mig þegar ég er að taka bita af kexinu!  Ég fer að athuga hvað er að gerast og spýti í lófann á mér kexinu og hendi því í tunnuna! Allt í einu finn ég fyrir meiri sárauka, eins og ég hafi skorið mig mikið í hana og ég hugsa,, hvað er að ske!  Nú tekur afgreiðslustúlkan eftir því að ekki er allt með feldu hjá mér og spyr mig hvort ekki sé allt í lagi!?  Nei!, svara ég, og ég segi henni að ég hafi skorið mig á súkkulaðikexinu. 

Þegar þarna er komið við sögu er ég búinn að spýta kexinu útúr mér og er farin að þreifa á tungunni til að athuga hvort blæði og hvort ég hafi skorið mig illa.  Ég sá að það blæddi ekkert úr tungunni og þegar ég var búinn að þreifa á henni finn ég fyrir litlum broddi sem situr fastur í henni, og þegar ég tek hann úr finn ég fyrir en meiri sárauka og tungan er byrjuð að dofna.  Nú fer ég til afgreiðslustúlkunar og sýni henni þennan litla brodd sem leit út eins og hár eða skeggrót með litlum poka á endanum og spyr hana getur þú séð hvað þetta er.  Á sama tíma og hún svarar þá fatta ég hvað þetta getur verið og ég finn að ekki aðeins að tungan er að dofna upp hún var líka byrjuð að bólgna.  Býflugnabroddur!  þetta er býflugnabroddur eða geitungabroddur segi ég og hún spyr, var þetta í kexinu!?, það hlýtur að vera,  segi ég! ég var ekki að borða býflugu! 

Núna verð ég hræddur!!  sé sjálfan mig fyrir mér kafna með risastóra tungu eða fá rosalegt ofnæmisviðbragð, eins og maður hefur séð í bíómyndum og heyrt af, þannig að ég hendist af stað með Rúnar minn í eftirdragi sem vissi ekkert hvað var að gerast, nýbúinn að fá bland í poka!

Það var náttúrulega nærtækast að fara beint til læknisins sem Rúnar átti að hitta, því jú hann átti pantaðan tíma.  Þarna var ég nánast hættur að geta tjáð mig því tungan var orðin töluvert bólgin....

Til að gera langa sögu stutta, þá skoðaði læknirinn okkur báða feðgana og hún skoðaði broddinn.   Hún úrskurðaði mig ekki látin, því það hefði gerst á innan við 15 mín þ.e.a.s ef að um öfga ofnæmisviðbragð hefði verið um að ræða.  Ég var því útskrifaður með lyfseðill fyrir verkja og ofnæmislyfjum.

Þið getið ekki ímyndað ykkur kvalirnar sem ég leið allt kvöldið, og þegar ég heyrði í félöguðum um kvöldið var strax stungið upp á því að fara með þetta í DV.  En það sem átti eftir að ske hefði ég ekki getað trúað sjálfur en það er efni í aðra bloggfærslu því þetta er gott í bili. 

 

Hver eru hin raunverulegu áhrif loftlagsbreytinga?

Ég verð að viðurkenna það, að ég hef ekki lesið þessa bók, en það er greinilegt að þar fer ekki mikið fyrir dómsdagsspánum ef marka má af þessari umfjöllun.  Það er merkilegt að heyra Trausta tala um að lífbeltið hafi færst norðar þegar hlýnar á jörðinni en hann segir orðrétt "það hefur alltaf gerst að mannfólkið færist í átt til kaldari svæða á hlýindatímabilum, til norðurs"  Mér finnst merkilegt að hafa ekki heyrt neitt um þessa bók fyrr en nú! Það eina sem maður heyrir af loftlagsbreytingum er að það er allt að fara til helvítis og þetta er allt okkur að kenna!  Hér kemur maður sem segir að mannkynið og lífríkið hafi gengið í gegnum hlýindaskeið áður, og þá spyr maður? hverjar voru afleiðingar af þeim hlýindaskeiðum og hvað olli þeim?

Eru norðurslóðir land tækifæranna?

MegaPilla....

.....djöfull verður maður flottur eftir svona 60 ár, á kaloríusnauðri fæðu með Viagra og eina svona megapillu á kantinum

Nýjar leiðir til að berjast gegn öldrun

Það er komin vetrartíð....samviskubit dauðans!

Ég er búinn að vera á leiðinni í líkamsræktina frá því ég kom heim frá Krít, það er ótrúlegur árangur!  Ég man þá tíð þegar maður var ungur og fit og át hvað sem er án þess að fá nokkra bakþanka!  Í dag er ég ekki eins fit en er samt í þokkalegu formi, en þegar ég svo mikið sem hugsa um kleinuhring, tala nú ekki um þegar ég "sting" mér inn í bakarí og fæ mér einn þá fæ ég samviskubit dauðans og dagurinn er ónýtur´!  Ég er að verða eins og versta kerling með þetta, eða er þetta málið að halda sér grönnum? Ég fékk mér pylsu(2xpylsu) og kók í hádeginu í dag og það var unaðslegt meðan á því stóð, en Helgi litli var ekki lengi í paradís, því ég fékk mér Prinspóló í eftirrétt og þarna gekk ég of langt! ég fékk bakþanka!!, og í allan dag lét samviskan mig heyra það óþvegið "HVAÐ ERTU AÐ SPÁ, ÉTANDI PYLSUR UM HÁBJARTAN DAG NIÐRI Í BÆ, OG PRINSPÓLÓ!!!! Í EFTIRRÉTT!! ER EKKI ALLT Í LAGI ÆTLAR ÞÚ AÐ VERÐA FEITUR !  ég veit ekki, á ég ekki bara að skella mér í líkamsrækt fljótlega og friða samviskuna?........mig langar svo rosalega í kleinuhring núna.......

Hávaxtavítahringur..!

Nú verður gaman að sjá hvernig Seðlabankinn sem er fastur í eigin hávaxtavítahring kemur til með að bregðast við á komandi misserum.  Athyglisvert er að heyra menn spá um kólnun á húsnæði á næsta ári og jafnvel lækkun sem hefur mikil áhrif á markaðinn. Ég er nú búinn að heyra menn röflandi um lækkandi húsnæðisverð frá því að ég keypti mína fyrstu íbúð og ekki hefur það lækkað en.  Það er náttúrulega alveg borðleggjandi að ef að það spyrst út að húsnæðisverð fari lækkandi þá hlaupa menn upp til fóta og handa til að kaupa! Sem gefur auga leið að eftirspurn eykst á ný sem þýðir.......ja segir sig sjálft.....

Versta lausafjárkreppan er yfirstaðin

ég er farin á jógaæfingu elskan.....

......já farðu varlega........muhahhahahahhahhhahha

Býfluga gerði gat á fyllingu í brjósti

Krít 2007

Krít 2007

 

Jæja langt síðan ég bloggaði síðast...ég bara skil ekki hvernig fólk hefur tíma til að blogga mikið, stundum oft á dag og gera athugasemdir og svara þeim o.s.frv.

 

Skellti mér til Krítar um daginn sem var mjög hressandi.  Liggja í sólbaði, borða góðan mat og skemmta sér í góðra vina hópi er einkvað sem er mjög gefandi.  Annars nenni ég ekki að fara mikið út í þessa ferð nema það var mjög gaman og ákvað ég að setja hér inn nokkrar myndir frá þessari ferð og eitt vídeó, en það er tekið á mjög dýrum veitingastað þar sem við borguðum augun úr og eyrun af fyrir veitingararnar sem voru alveg hræðilegar, sem sagt tekið áður en við fengum þær, takið eftir hvað við erum ánægð með lífið, en svo var ekki þegar við sáum reikninginn, en það upphófust mikil læti þegar átti að borga hann og ég er alveg hárviss að þessi veitingastaður sé lokaður núna og eigendur lifi núna í vellystingum eftir að við borguðum fyrir þessar veitingar......    

 

djöflus kjaftæði....

djöflus kjaftæði er þetta, er ekki komin tími til að stoppa þessar rannsóknir af, eða hætta að birta þær, eru menn virkilega að fá borgað fyrir þetta.  Ég man að afi minn vaknaði alltaf fyrir allar aldir og lifði hann vel og lengi eða til 95 ára aldurs.  þetta er náttúrulega rugl "Óhollt fyrir hjartað að fara snemma á fætur"!!! comon.....það eykur náttúrulega líkurnar um 100% að fá hjartaáfall við að fæðast..........ætli þurfi rannsókn til að styðja það! ha!

Óhollt fyrir hjartað að fara snemma á fætur